Bölüm anahatları

  • 9.         Hafta                              Arap harfli Azerbaycan Türkçesinde metnin okunması ve açıklanması

        

     

    سايغيسيزليغا معروض قالان بير ميلتچی حاقدا

     

     

    ميلتيميزين سعادتی اوغروندا چابا گؤسترن، جانلاری و ماللاريندان اسيرگه­مه­ين آذربايجانيميزين ايگيد قيزلاری و اوغوللارينا بوللو سايغی و سئوگيميزی هر زامان ايچيميزده و اوره­ييميزده يئرلشديرميشيک.

     

    جوما گئجه­سی (21 بهمن 1384) GunAzTV پروقراميندا بو عزيزلرين بيرينه اولان سايغيسيزليق و احترامسيزليغا شاهيد اولدوغومدا، مخصوصاً او قارداشيما، سايغيسيزليغا معروض قالان او دَيرلی اينسانا اولان سئوگی و سايغيمی يالنيز اوره­ييمده ساخلاماغی دئييل، ديله گتيريب و کاغيذ اوستونده يازماغی بير وظيفه کيمی دوشوندوم؛

     

    ائل آشيغی­دير او، ميلتينين دردلرينی دريندن تانييان بير آشيق. او آذربايجان ميلی مسأله­سينی مختليف جهتلری ايله آنلايير، اونيوئرسيته گؤرمه­سه ده، آکادئميک تحصيلات آپاران بير بيليم آدامی ساياغی آذربايجان ميلی حرکتينين تئوريک موباحيثه­لرايله تانيش اولاراق بونلاری بير ائل آشيغی کيمی ميلتيميزين ديليجه اونلارا يئتيرمه­يی باجارير.

    مندن يالنيز 2_3 ايل ياشلی اولسا دا اون گؤرمه­دييم زامان "آشيق" ايفاده­سی ايله آدلانديغيندا، ايلکده، ياشلی و تجروبه­لی بير آغ ساققال اولدوغونو سانميشديم.

    1377- لرده "آشيق جبراييل خليلی"-نين آدی و چاليشمالار ايله تانيش اولسام دا، ايکی ايل سونرا اونونلا ياخيندان تانيشديم. متواضع و متين بير اينسان گؤردوم، فقط گنج ياشلی اولدوغونا رغماً تجروبه­سی و البته ابهتی سانديغيمدان داها يوکسک سويه­ده ايدی. چوخ آز زامان برابر اولماق کيفايت  ائده­جک کی آشيق _ اينصافلی_ بير موصاحيبين نهايت درجه احترام و سايغيسينی قازانسين.

    آشيق جبراييل خليلی دفعه­لرجه ميلی مراسيملريميزده اشتراکی و ميلی فعاليتلره اوغراشديغی اوچون، ايران اسلام جمهوريتينين امنيتی قوه­لری طرفيندن ياخالانميش، حبس ائديلميش، اؤزو و عاييله­سی ايله برابر باسقيلار و تهديدلره معروض قالميشدير. اون ايلدن آرتيق آکتيو اولاراق آذربايجان ميلی حرکتی چرچيوه­سينده سياسی  فعاليتلر ايله اوغراشان جبراييل گونوموزه قده­ر حرکتيميزين حساس دؤنملرينده گيزلين و آشکار شکيلينده فعالجاسينا چاليشميشدير.

    حرکتچيلر آراسيندا ساغلام و علمی تنقيده نه قده­ر اؤنم وئرديييم بير چوخ دوستلارا بللی اولموشدور. اؤز تنقيدلرينه گؤره سايغيسيزليغا معروض قالان آشيق جبراييل قارداشيما دئمک ايسترديم کی؛ هئچ ده اوزولمه­سين!! ائله بو کيمی اهانتلره معروض قالماق دا حرکتيمزين بيليمسللشمه­سی و دئموکراتيکلشمه­سی اوچون وئريلن بير هزينه­دير. عشق اولسون وطن يولوندا هر چئشيت هزينه­لری اؤده­ين اينسانلارا.

     

    ان ايچدن اولان سايغيلاريملا

    عليرضا جوانبخت قولونجو

    اورميه-۲۳ بهمن ۱۳۸۴